رايح جاي من حاره لحاره
هو انت ياواد فاكرها شطاره
وحكايتك ايه يابن الناس
قلبك دايماً فيه وسواس
وحاسس نفسك فوق الناس
فاكرها شطاره خداع الناس
يابني هناك أنواع م الناس 
منها حديد ومنها الماس
..........................................
فيه ناس بالنعال تنداس
وفيه ناس تتشال ع الراس
وهناك ناس كرامتها اساس
ورايح جاي علي بيوت الناس
تاكل تشرب من غير إحساس
ونافش ريشك بكيس اناناس 
......................... . ....................
يابني بيوت الناس لها حرمتها
ومدام يابني فتحولك بابها
اوعي تفكر يوم خيانتها
لما تنوي في يوم زيارتها
وولاد الناس مش لعبه فإيدك
تلعب بيها كام يوم وتقول سيبك
وتشوف غيرها وغيرها وغيرها
عمرها ماكانت يابني شهامه
تكون سبب تعب للناس وندامه
وانت هتبقي ابن خيبتها
وعمر سعادتك مانت شايفها
مادومت طلعت بلآ إحساس
وقلبك دايماً مليان وسواس