أيام بتودع أيامها 
في هدوء وسلام 
والعمر بينا زي الشمعة 
ضوءها فتان
نسهر ونغني مع شموعنا 
وموسيقى جنان 
والنار هشيم ف أصلابها 
قلبت دخان 
بتقول خلاص لموا السهرة 
وفضوها كلام
!!! ياسلام عليك ياأعمارنا 
كلك أمثال.. 
وعقولنا عارفة 
وعايشة في غفلة 
طب ده أسمه كلام 
واليوم بيروح مابيرجعش 
وبنعد أيام 
والوقت سريع خله الساعة 
راكبها جنان 
وعقاربها بتلف بدون رحمة
شغاله توهان 
خلتنا ضيوف 
بمعنى الكلمة 
وبدون أوطان
والجنة طريقها.. مهوش كلمة
عشان تنقال 
عايزة قلوب ذاهده الدنيا 
ومليانة إإيمان 
أيام بتودع أيامها 
في هدوء وسلام