حالف على المصحف يابلادي 
لصونك.. وأصون الأوطان 
وأفدي ولادك يابلادي بالدم 
وأزيد كمان 
وأخلي البسمة على وجوههم 
أيام وسنين. يازمان 
وأرجع حق اللي أستشهد 
وفداني وفدا الأوطان
وأقول لأبنه أقف راجل 
وشديد وأشد كمان
تعالى جنبي وجواري 
لنعيد تاني الأيام 
ونخلي بلدنا كده واحة
ونزرعها أمن وأمان
ونضف منها اللي باعوها 
ومن كل رخيص وجبان
تعالى لنجيب طاره 
ونصفي منها الأندال
ده الدم طالك وطالني 
ويلزم له العين ماتنام 
مفيش أأمن مني ومنك 
لو طالت بينا الأيام 
أنا أصلآ حالف على المصحف 
ماأنام في ليلة مغلوب 
وحقي لازم وأكيد يرجع 
مهما كان أصله منهوب
أنا بايع نفسي لبلادي 
بحفنه تراب وقالب طوب 
والعقد اللي بنا
بنودة 
واضحة
ولا فيها أبدآ مكروه 
ياأعيش بكرامة في بلدي 
ياأموت ملفوف محمول