غاويه ليه بس ياحبيبتي تعذبيني 
وتلوعيني من تاني وتتعبيني
نسيتي حبي وخلاص نسيتيني
بعد ماعنيت وتعبت سنين عشانك
وكان بيصبرني دايماً حبك وحنانك
لو بعدتي عني ياحبيبتي وهجرتيني
تبقي انتي كده عايزه تموتيني
لأني مقدرش أبعد أو أستغني عنك
أو تهجريني واتحرم ياحبيبتي منك
...............................................
وبلاش قلبك يأسي عليآ تاني
مقدرش اتحمل أبداً منك أسوتك
دانا عمري ماكنت معاكي يوم أناني
وكانت عيني بتبكي لو شافت دمعتك
ليه عايزه دالوقتي منك تحرميني
وعن حضنك ياحبيبتي تبعديني
متعرفيش إنك انتي كده بتدبحيني
مانتي خلاص بقيتي ساكنه جوايآ
وبقيتي ياحبيبتي دائي وكمان دوايآ
.........................................
خليكي ياحبيبتي زي مانتي فرحتي
دا انا اتحمل اي شيء تاني فدنيتي
إلآ إني أتحمل من حنيتك تحرميني
لأن معناه انك إنتي عايزه تضيعيني 
ولو انتي حاسه بضعفي ناحيتك
اوعي تأسي عليا وتحسسيني بقوتك
خلاص قدري وانكتب عليآ محبتك
أهّْوَنّْ عليآ إني أموت ولٓا إنك تبعديني
لأن بعدك عني معناه إنك بتحطميني
...........................................
ولو حسيتي أد إيه قلبي لسآ بيحبك
رغم الجفآ والأسوه اللي شايفها منك 
واد ايه متحمل أنا عشان خاطرك 
ورغم طبعك مستحيل أستغني عنك
ومقدرش لحظه أخسرك أوحتي أكرهك
لأني عشقتك وجوه ضلوعي سكنتك
ولروحي وقلبي وعقلي وكياني ملكتك
لوفهمتيني وغيرتي شويه بس من طبعك
وعودتي قلبك ع الحنيه رآح يطاوعك
وآه لوطاوعتيني هتسعديني وهتلاقيني
باوهبك عمري وبغرآمي أهنيكي وتهنيني