في رحله عمر خلصانه
وف زحمه ماليها سكون
جمل شايخ وشيلته تميل
ويوفي ويرضي بخيانه
ويداين عشان مديون
عيان يوصف دوا لعليل
وجني يعشق انسانه
ولا يخونك ومهما يكون
وغاوي الحمول بيشيل
وأرض النيل وعطشانه
وليلي بتعشق المجنون
وعنيها لأشعاره دليل
وحلم الليل بيترسم دانه
وتقتل ضحكه المسجون
وجيل يبكي ويضحك جيل
وجنه حلم تتحول لزنزانه
وموسي ليه يتقلب فرعون
وقارون اللي نهبني بخيل
وضنكك اللي مليه الخير
وبلدوزر يهد البيت علي شانك
وف نهارك دايما بيطلع ليل
وبين ترحالي وترحالك
ونفس التوها في حروفي
بغنيكي ومن خوفي
أجمل المواويل
في رحله عمر خلصانه
وف زحمه مليها سكون
جمل شايخ وشيلته تميل