النهارده هكتب 
عـن البلطجـيه والمجـرمين
لا لا هكتب 
عن قطــاع الطـرق والهجـامين
برده لا هكتب
عن تجـار المخـدرات والمدمنين
ولا اقولكم هكتب
عن الفسده والخونه والمرتشين
يووووووه ولا اقولكم هكتب عن
تجار اعضااء البشر المستذئبين
وجشع السواقين وغش الجزارين
ولا اقولكم الافضل اكتب عن جـرم
النشالين والمتسولين والمهربين
والله احتارت اكتب عن ايه ولا ايه
عن سـرقه اطفـال وامهات مساكين
ولا اكتب عـن تحـرش واغتصـاب
عيني عينك في الشوارع والميادين
ولا عـن المطبلاتيه والزمـارين
ولاعن كام بلياتشوا عايشين فالدور
بيمثـلوا علـي شـوية مهـرجين
كـل ده نصب كل دول نصـابين
معقول كل ده بيحصل ف بلاد المسلمين
طيب سيبنا ايه للي ملوش مله ولادين
سيبنا ايه لنتنياهو وشارون ورابين
سيبنا ايه لعبدة الشيطان والملحدين
سيبنا ايه للماجـوس والمتشددين
سيبنا ايه للـوحـوش الضـاله
في عصـر مقـرف وحاضـر لاعين