من يوم رحيلك ياأمي تعبنا
والحزن ليل ونهار ماسبنا 
والهم والغم معانا راكبنا
والضحك من القلب فارقنا
والموت واليتم عرفنا معناه
وعذاب الفراق ياأمي عشناه 
والدنيا من غيرك غداره وغابه
مليانه وحوش وتعالب وديابه 
.............................................
ومن غيرك ياأمي الدنيا ماتتعاش
راح منها الحب والحنان ومبقاش
وليه الموت بيفرقنا ومايسبناش
وبيأخد الحلويين دايما في حياتنا
ويحرمنا حنانهم واحنا في دنيتنا
ويسبونا فدنيا آسيه وغداره تايهين
من دعوه صافيه وحنيه محرومين
ويروحو بخيرهم ومش تاني راجعين
.............................................
ومن يوم رحيلك عنا ياغاليه 
ودموعنا علي خدودنا سايله
ومحدش عوضنا يوم لغيابك
ولا طيبة قلبك وحنانك 
والبركه من بعدك ضاعت
والشمس في عيونا غابت
آاااه من غدر الدنيا وأيامنا
لمآ تفرقنا وتاخد أحلامنا
وتحرمنا من أعز وأغلي حبايبنا 
وقلوبنا في صدورنا توجعنا
...........................................
ومن يوم فراقك ياغاليه ودنيتنا
راحت منها فرحتنا وضحكتنا 
ولمتنا الحلوه حواليكي وحشتنا 
دى الدنيا من بعدك خاصمتنا 
ووحشنا حضنك الدافي لمآ تضمينا
وهموم الدنيا علي طول بتنسينا
لو نمنا علي رجليكي زي زمان
الحزن ننساه حتى ولو كان
لمآ تطبطبي علينا ياأمي بحنيا
يارمز الحب وحنان الدنيا 
في الجنه ونعيمها عيشي ياغاليا