ترحل طيور البجع
عشمانه ف لقمه عيش
زايد عليها الوجع
ميت ونفسه يعيش
صوت باطل لكنه أتسمع
في زحمه التهميش
**************
مراكب الهجره ومليانه
من مينا لمينا واه يااانا
غريق انا ع الشط
بشيل في ذكرياتي واحط
وغربه من احبابنا سرقانه
يا هموم اصحاب وجمعانه
لا دي ارضنا ولا حتي دي سمانا
**************
وسنين قدام عنيا ريح بتمر
عسل في الحلق وطعمه المر
خرجي علي ضهري يخر
صوت أمي الحزين قواني
وانا منهك وعرقي علي الجبين بيشر
شايل رغيف ناشف 
ميت وأشعاري توهب إليك العمر
**************
وفي ليله التشييع كانت بدايتنا
وانا قلبي كان غافل
زعق البابور ياله. تقيله خطوتنا
دا راجع ودا راحل
متسرسبه يادموع
اول طريق الهموم سكه وعرفتنا
*************
ارسم بحرفك ع الرصيف وشوش
مكرمشه مصفره وايدين مرعوشه
واسمك علي صدري وكان منقوش
واخترت موتي وأَلْعَن ابو العيشه
وابني اللي سميته ولا شفتوش
وميراثي في الرحله محبره وريشه
*************
راحل انا ف همي
سايب هناك روحي
أمي بتدعيلي وبتصلي
حساني في جروحي 
ياحضني ليه فاضي 
ابني وحبيبي مفيش 
ترحل طيور البجع 
عشمانه في لقمه عيش