هو انت ياحبيبي ايه ولآ إيه
والدنيا حلوه معاك كده ليه
الله علي الحب الله عليه
والله ع الدنيا ياحبيبي معاك
دآ الحب جميل أوي وياك
يسلام ع الدنيا و حلاوتها
خليتها معاك جنه وحبيتها
حتي عوازالي فعيوني كمان
مبقتش شايفهم زي زمان
.....................................
الله ياحبيبي الله عليك
شايف الحب جوه عنيك
وكل الناس فعيوني جميله
زي الزهور جوه جنينه
ودايماً شايف ملامحك فيهم
كأنك بدر منور ليهم
وفي يوم وليله غيرت حياتي
وبقيت سعيد فكل حالاتي
والهم راح والقلب إرتاح
ومبقاش فالدنيا اي جراح
......................................
الله ع الحب وعلي غرامه
ولمآ يدق إفتح بابه
واوعي لحظه تعيش من غيره
هو العمر فيه كام يوم
لمآ يضيع الليل في النوم
بكره هتندم لو ضاع منك
لمآ تشيب و يبعد عنك
هو الحب ياناس بفلوس
ماتشربو منه ليلاتي كؤؤس
.......................................
الله ع الحب والعشق معاه
كل الحبايب بتتمناه
ولو طال سهره يامحلاه
يارب ماتحرم منه حبيب 
ويغرق فيه قريب وغريب
وتعيش الناس كلها أحباب
وقلوبهم دايماً تبقي شباب
ويبقي الحب في كل مكان
وقلوب الناس مليانه حنان
وتبقي الدنيا كلها أفراح
من غير غدر أو حتي جراح