بين أيدين متلهفه
لِسَّه الليالي 
رافضه مكاني
والدموع متسرسبه
والشمس راحله
فوق بباني
بين خنوع الصبر
لِسَّه بعزف
لحن. فانِ
لِسَّه ببني الحلم
اللي ضاع
من ضحكه زماني
لِسَّه برسم عقد فل
وقُلب أبيض
في ابتسامته يعاني
وانت وسط الفرح خايفه
لِسَّه شايف مستحيلك
ورد وأغاني
لِسَّه قلبي فاتح 
نوافذه للجراح
حاضن دموعك
وَيَا أحزاني
ياسكه ماشيها
علي جرحي
من صغري 
وواخداني
مهموم في قلبي 
والضحكه علي لساني
غاب القمر عني 
بحلم 
يعود تاني
بعد النهايه
تفضل حكايه 
جايز في يوم 
هنعيشها تاني
لِسَّه فجر بيتولد
بعد الظلام
وفي جحيمك
ازرع جناني
لِسَّه فاضل
كام قصيده
وكام بدايه لحن
لنهايه أماني
بين أيدين متلهفه
لِسَّه الليالي
رافضه مكاني
وايه تفيد الأمنيات
ملعونة الساعات
اللي فاكرها
وتنساني