إصحوا وفوقوا ياعرب
ياجذور أصيله بين الأوطان
ياأهل مجد وشهامه وكرم
وأهل الحضاره فكل مكان
يا نبض واحد في القلوب 
ودم واحد في العروق
وهوي تتنفسه الصدور
ولوقطره دم سالت
تبكي عشانها العيون
وتتألم وتتوجع القلوب 
خلوا بالكم من ارضكم
وماتنسوش دم الأجداد
اللي حَنَّتّْ كل رمله فيها
واستشهدو عشان يحموها
وترتاح للأجداد الأرواح
وتعيش بكرامه الأجيال 
ونعوض كل اللي منا راح
.......................................
وخلو بالكم يا جنود
العدو متربص ع الحدود
ويلا بينا يد واحده تلمنا
ونخلي بالنا من بعضنا
ومن كل رمله ف أرضنا
تعالو يلا واتجمعوا
وايدكم تسبق إيد العدو
وترجعوا تاني الأمجاد
وانسوا لو بينكم خلافات
اللي زرعها فينا العدو 
عشان يفرق شملنا
هو عارف لو اتجمعنا سوا
هنكون إحنا عليهم أسياد 
........................................
وكفايه فرقه ياولاد الوطن
وشيلو بينكم الحدود
وامسحوا للعيون الدموع 
اللي سايله ع الخدود
من طفل أصبح يتيم 
أو أم تبكي ابنها الوحيد
وامسحو دمع الثكالي 
وخففوا الم الأرامل
ومهما بعدت المسافات
او إختلفت اللّهجات
كلنا دم ونبض واحد
.....................................
ياكل الملوك و الزعماء 
وياكل السلاطين والأمراء
آن الأوان توحدو الصفوف
وتطهروا القلوب والنفوس
ولمجد الأجداد ماتنسوش
شوفو كم هزموا من جيوش
واتحطمت أمامهم عروش
وخلوا بالكم من نفسكم
مش هتلاقو زي أرضكم
شوفوا جوكم وشمسكم
شوفو ارضكم والخيرات
شوفوا النيل والفرات
وعشان كده العدو الجبان
موش هيسكت عننا 
عشان هو طمعان في ارضنا
ودايماً ليكم مترابطين
وبالمكر والغدر متربصين
عارفين ازاي يفرقوكم 
وعن بعضكم يبعدوكم
وبفلوس بلادكم يحاربوكم
........................................
ياكل عربي من دمنا
اوعي تنسي اللي حصل من كام سنه
لما اشترو الخونه الكلاب مننا
خدعونا ووقعونا فبعضنا
وبالحريه كانو بيوهمونا 
وقامت هنا وهناك الحرايق 
في كل شبر من ارضنا
وبلعنا الطُعم كلنا 
عشان دايماً متفرقين
وحققو أحلام كتيره
كانو ليها مخططين 
وضاعت قوه من الوطن 
كانو دايماً منها متنغصين
وانتشرت الكلاب السعرانه
ودنسو الأنجاس كل الوطن
وضاع مجد بلاد كتيره
وطول ماحنا متفرقين
هما لينا متجمعين
رغم اننا إحنا الأسياد
بس دايماً متفرقين وبُعاد