صباح النصر يامصر** 
صباح اليسر بعد العسر**
صباح شمس الاصيل**
علي شط النيل**
صباح الموال**
بعد ليل طال**
ونهار غاب ست سنين**
ومصر صابرة**
وصايمة**
سبع تيام في الاسبوع**
ولا حاسة بجوع**
ونفسها تاكل وتشرب لقمة العزة**
وشربات الكرامة**
عارفين سبع تيام صيام في ست سنين يساوا كام يوم**
ياللي حافظين جدول الضرب ؟**
يعني مصر صامت الفين مية وتسعين يوم**
ولبست الحداد**
وقاعدة في الخندق،وايدها ع الزناد**
نادي الولد"باقي"ابن عم زكي واللي جده عزيز مصر "يوسف" اللي كان"علي خزائن الارض حفيظ عليم"**
ناوليني يامة من نيلك شربة مية**
لحسن انا عطشان**
ظمأن** 
حرَّان **
خد**
اشرب يابنى** 
وخلي الباقي معاك لخواتك** وخد من بحر القنال مية ** لبندقيتك** 
واطلقها علي جدار "بارليف"**
وهد السور** 
وافضح للعالم كله وقول العدو ثِعبان**
راسه في امريكا**
وديله في بيت صهيون** وساعتها..حتلاقي الجدار**
بقي "بار" و "ليف" !؟
*********************
من وحي فكرة العبقري ابن مصر باقي زكي يوسف اللي فك شفرة خط بارليف بخرطوم ميه وكان مفتاح العبور والنصر**