آه. وآه منك يادنيا 
فيك ناس واكلنها حامية 
فيك ناس قلوبها قاسية
وفيك ناس منداسه وهافية 
وف كل حارة وف كل شارع 
نايمين في نهر الطريق زي الرامية 
وجاية تقول لي خف شوية 
كفاية تبكيت وكفاية شد السلخ عليه 
آه. منك. وآه. يادنيا 
فعلا لعوب ... وكمان غزيه 
وكلك غلط.... وفيك العبر 
وبلاوي كتيرة مستخبية 
مش كفاية ساكت على كل فاجر 
شايف بعينه النومه ديه
وقلبه قاعد... وسيجار في بقه 
من جيوب الغلابة الأغلبية
فعلا يادنيا .... فعلا غزيه 
وأيامك رقص على إيقاع 
الطبلة والسمسميه 
بعد أحترامي الشديد لأصحاب
الفن والابداع خارج نطاق كلماتي ديه
أنا بس حزين.... على أبن بلدي 
لما أشوفة نايم ذليل 
والدنيا غبية ومستقوية 
وبقول لبلدي وأهل بلدي 
الرحمة فين قبل المسبحة والمصلية
أعرف كتير كلامهم جميل 
يشرح الصدر... وف الخفاء داهية وخيبه مره
الحنان مش بالكلام
الكل ضيف الكل ميت الكل فاني 
والمناصب نقمة مش هدية