كل ماأقول خلاص ماعنت كاتب تاني عن الغلابه 
أصل كلامي زعل مني الديابه .. وقالوا عني ده مغرم صبابه ..
ضحكوني .. وأحزنوني .. وجابوالي مرض الكأبه.. 
أصلهم ناس عايشه بينا.. حبه ذاتها وأعلى من كل حاجة ..
والفقير والمكسح والمريض والمكلوم والغلبان والمسكين يروحوا يموتوا بلى هم بلى ندامه....
آه يازمني.. فيك العجايب .. فيك الرخيص اللي ديما 
يعايب .. وفيك اللي واكل لحم الحبايب.. وهو أصل كل المصائب،..
ماهوش شايف البعيد... مين فينا اللي قلبه حديد ومين اللي حزنان حزن شديد على اللي بيرجع كده صديد لايسر عدو ولا حبيب. 
ماهوش شايف البعيد الغلب هتك الوريد والدم نزف على الخدود. ويقول عليه غاوي تأليب، ..
عايزني أكتب في المكتوب .. اللي أتكتب من سنين كله مدح كله كذب وتكذيب .
طيب ياهمام ياأغرب غريب .. الإصلاح الحالي المنشود..... للخراب اللي تم والتخريب......
من أمثالك زمان اللي كانوا هما فيه السبب ... فمن منا
على حق ومن منا الكذاب اللعوب ؟
ياريتك تلم نفسك بدل ما أقلب عليك.. بيتك من زجاج أنصح لكلامك ودي نصيحة أخيره ليك.
الوطن له رجاله... وحاميين ترابه من اللي زيك
وعايشين وسط الغلابة.. وبيصحصحوا اللي نايم قبل ما القطار يفوت ..
والفقراء والمساكين والمحتاجين أنا أصلي منهم ولا عمري أنسلخ عنهم... ولا عمري أتخذك رفيق. 
أصل الغلابة بيحنوا لبعض.. وساعة الغرق الكل غريق