إصحى من نومك وفوق 
الناس خلاص طلعت لفوق 
حفلات سمر فوق القمر
وانتا فكتاب سلمى وعمر 
لسا مش عاوز تفوق 
شاغل بالك باللى فات 
واللى بنولك أهرامات 
وقاعد بتتعاطى النشوق
تحكى حكايات الجدود 
ونفسك اللى فات يعود 
مستنى تحلا أو تروق 
الغرب عملنا فيران تجارب 
يشوف سلاحو ازاى يحارب 
وأد إيه يسبب حروق
بيضربك بالطيارات 
وتمد إيدك تقولو هات
يسقيك الزل.. يللا دوق 
إفتح دفاترك القديمه 
حكايات معادش ليها قيمه 
إللى ظلم واللى انظلم 
واللى ضاعت منو الحقوق
خليك بقى ف الماضى هايم 
واتغطى وقول سيبونى نايم
ياشرق مباينلوش شروق
فوق