البنت اللى ف حارتنا / اه يانى من هواها
ملكه منوره حتتنا / وقلبى انا بيهواها
اه يانى من مشيتها / غزال سايق الدلال
اموت انا ف حلاوتها / دى حلاوه فوق الخيال
دى مخلوقه عشانى / ورايدها فى الحلال
لما بتغيب ثوانى / قلبى بيغيب ياخال
دى بنت مش عاديه / دى حتت سكره
قشطه ومهلبيه / فى قلبى منوره
البنت دى جننتنى / والعقل منى راح
بدلالها عذبتنى / فى المسا والصباح
نفسى اقابل ابوها / واقوله له كلمتين
او خالها او اخوها / ونجمع القلبين
يالا ياناس زفوها / وغروده ودبلتين