على الفيس 
الكل يهيص 
دا عاوز عروسه 
ودى عايزه عريس 
ودا بيشكى 
ودا بيحكى 
ودا كلامو كلو تهييس
وعلى الفيس 
ناس فرحانه 
وناس زعلانه 
وناس تعبانه تقول آه يانا
وناس بتفكر 
وناس بتكركر 
وناس كلامها ساعات بيعكر
ودا اللى إشى 
ودا بيختشى 
ودا اللى ساب الدنيا ومشى
ودا سياسى 
ودا دبلوماسى 
ودا ياعينى عمال بيقاسى
وشاكر ربه 
ودا مش عاجبه 
ودا مشكلتو محدش حابه
وأخينا موحد 
والتانى ملحد 
وخناقه ومين اللى يحدد 
ودا محتال 
ودا مختال
ودا عامل للهموم شيال 
ومسترجله 
ومستعجله 
ودى عند الكل مسجله
واللى بتعرض 
واللى بتمرض 
ودى عماله كمان تستعرض 
ودى بتصبح 
ودى بتقبح 
يللا نشوف مين اللى هيربح
ودا هيمان 
ودا تعبان 
ودا اللى عامل فيها غلبان 
ودا اللى داعر 
والتانى شاعر 
والكل بيلعب ع المشاعر 
متزعلوش
كلامى مفيهوش
كلمه كدب ولا مغشوش
وانا منيكم 
واحد فيكم 
وكلامى عليا قبل عليكم 
وعلى الفيس الكل يهيص