مابين الشك والحيره / وبين املى الى راح منى
وبين البعد والغيره / وبين احباب ماراحمنى
وبين الحكى والسيره / وعمرى اللى اتسرق منى
عشقتك انتى يا أميره / وليه منك بتحرمنى
بينى وبينك جبال وسدود / وبحر غريق بدون شطئان
وحبى لك مالوش حدود / افكر فيك وانا حيران
وصوت الموج كأنه بارود / وانا العاشق لكن ظمأن
ودربى فى الهوى مسدود / وقلبى من البعاد غضبان
خيالك فى الهوى يجينى / اقابله بكل شوق وحنان
ولما تلمسى جبينى / احس بفرحه فيها امان
ولما تنظرى لعينى / اشوفك زهره فى البستان
ياسعد العمر وسنينى / ياملكه وساكنه فى الوجدان
ومابين الشك والحيره / عشقتك انتى يا أميره