سلام ياصاحبى / والف سلام
صداقه دى / ولا دى افلام
ارجع اصاحبك لالالا /ولا فى الاحلام
صداقه هشه وضعيفه / كانها اوهام
ولما اعاتبك او الومك / تعملها خصام
الغدر اصبح مفهومك / والله ده حرام
غشاش ياصاحبى من يومك / فى الغش تمام
راح اقولها كلمه لمعلومك / مافى بينا كلام\
صبرت ياما ونصحتك / يمكن تعود ليا صديقى
وسترت عيبك مافضحتك / زرعت اشواك فى طريقى
ولما ابكى انت بتضحك /سعيد اوى لظروف ضيقى
من الصداقه انا مسحتك / عمرك ماهتكون لى رفيقى
سلام بحبى واشواقى /عمرى ما هنسى لك القسوه
اموت عطشان وانت الساقى / خلقت 100 مليون فجوه
بكره هاتبكى على فراقى / يابو قلب جاحد كالحصوه