بعدين وياك / ياهوى الاحباب
تقفل شباك / نفتح لك باب
ليه تعاملنا / كأننا اغراب
نرسل فرحه / ترد لنا عذاب
افتح صفحه / تحرق لى كتاب
بعدين وياك / ياللى شاغلنى
ولا أحب سواك / وانت قاتلنى
ياحبيبى ما أغلاك / ليه تظلمنى
وثوانى فى هواك / منها حرمنى
عمرى ما أنساك / ليه تخاصمنى
ياهوى الاحباب / على فين رايح
طيفك ده سراب / فى الفضاء سارح
ااااه م الاهداب / رمشها جارح
وعيون نظراتها / ك طلق رصاص
فيها سحر كبير / مليان احساس
تمشى فى خيلاء / وبدون حراس
وف هوى لاحباب / انا ذوبت خلاص