واااه يا غالى يا ابن غالى
وابن غالية
مش بايديا
كل مرة مستنى السعادة
تقولى جية
مالك مستعجل أصبر شوية
لحد ما شاب الشباب
وقربت أوصل لجلد الكتاب
طيب ليه ما انا من صغرى
بسمع كلامها
واستحمل عذابها ليه والامها
شارب المر شايف العذاب
ويوم ما تضحك فى وشى
يطلعلى فيها الف كاره
وكأنه ليه عندى تار
حاططنى بدماغه ليل نهار
هو لازم حظى فيها يكون هباب
ايوة صحيح كنا زمان
فرسان
شباب زى الورد فى البستان
كنا نتقابل نتسامر
نحكى اشعارنا وسط الربيع
وأيام تشوفنى معدى
عالسريع
بس كل احلامى راحت سراب
تعرف يا صاحبى
مشكلتى بالنفوس مش بالفلوس
وكل الحكاية رزق ونصيب
بس لما يصغر كبيرنا
اكيد دا يبقى عيب
اااه يا صاحبى
قلت السنين
فتحت جوة الواحد هويس عذاب
ياريتنى قبل ما تزلنى اطفال
من سن ابنى
ياريت كان يوارينى التراب