والسنين بتمر بينا
يا بن اختى
مرار وطافح
هلكتنا ومرمطتنا
مش سايبه فينا
غير حبة ملامح
واخدة كل الحلو في وشها
وتقول محدش قدها
واخدة شبابنا
زى ما يكون سكين ودابح
السنين
..
السنين تمر بينا شىء ماهول
تأكل فى عمرى
متقولش غوول
وانا مش عارف اخبى منها
شوية سعادة
وضحكى فيها مكتوم مستخبى
زى ما يكون الفرح 
عيب وفاضح
السنين
مش سايبه منى حبة
شباب
كل ما اتحرر
تقفل فى وشى
الف باب
كل ما فيها عتاب
حتى سواد الشعر
صار ابيض وسارح
السنين
مش عمر يهرب من ايديا
المهم كام يوم فرحتوا
كام مرة حسيت بسعادة
كل واحد خدت بنصحتوا
غرقنى فيها بالزيادة
العبادة أصل السعادة
خلاص يا دنيا
خدى منى كل اللى انتى عايزة
خدى منى عمرى
وقسميه على السنين
واسرقى منى السعادة
راح اسكت واسامح