ماشى وحدى فسكه واسعه 
شارع طويل ملوش نهايه
نازله من عيونى دمعه
ع اللى سيبتو من ورايه
دنيا وفيها مليح وقبيح 
وناس داخله بدون تصاريح 
وناس مبتسمه زى النسمه
وناس زى زعابيب الريح
مع احترامى وحبى ليك 
لو بعتنى مش هشتريك 
متفقين تبقالى وحدى 
ومتدخلش بينا شريك
إغسل توبك وزيل البقع
متقولش آه غير م الوجع 
ليه كل دا ما الدنيا كدا
ومسير اللى خدعك 
يوم يتخدع
هربان بيجرى م الزمن 
والساعات بتجرى وراه 
لو ورا الليل اتركن 
يلقى النهار بيستناه
فتش على ابواب السعاده 
شوفلك حد هناك يسمحلك
وان مرضوشى زى العاده
خبط قوى يمكن يفتحلك
شكيتلى ياما وسمعتلك 
وتسعين مره قلتلك 
حبيبك لما يهملك
يجيلو يوم ويبدلك
يا أيام الهنا عودى 
مشيتى وانكسر عودى 
بحلم بيكى واتمنى 
تحسى مره بوجودى
فعل ومبنى للمعلوم
ياناس كفايه العتاب واللوم 
ومين فينا مبيغلطشى 
محدش م الغلط معصوم