آن الاوان
للبنوته ام ضفاير تعشق وتحب
والقلب بِكر صابح طازه مفيهوش عطب
دي زهره في البستان ناديه
نغمه وعلى الاوتار هاديه
ياقلبي حاسبي يكون عومك ضد التيار
م هتجني غير كل ندامه وتعيشي ف نار
حبيبتي يا ام القلب اخضر طارح دقات
حاسبي دا ع البر التاني واقف صياد
بحر الخداع موجه العالي مليان اسرار
يمرجحك بين جنه ونار
على شطه ياما قلوب مالت
وفي النهايه دموع سالت
كتير كتير لابسين في وشوش
دايما يبيعوا وم يشتروش
ونصيحتي ليكي ماتدي أمان
واختاري حد يكون صدقه هو العنوان
