تأشيرة خروج
طهقت خلاص منها
مليش مكان فيها 
ودي بتهد ياعيني
ف ناس وناس تعليها 
ناس في قصور 
عايشه ومبسوطه 
وناس وشقاها 
مجبش كليو 
قوطه 
وناس من حزنها
الفرح نسي 
حتي ملامح شكلها 
وناس من غلبها 
بتنام من المغرب 
وده علي ريش نعام 
عايش ومتبغدد
ودي وحده بتربي
من اليتامه اربعه 
هتعيش ياخلق ازاي
وكل حاجه مولعه 
ودا ركب احدث 
موديل 
ودا مبيفطرش غير 
بالليل 
ودا البنك ده بتاعو 
نفسي افهم بيعمل 
ايه 
اكيد مش من دراعو 
ودي الدمعه علي خدها 
ع اللي هدو المرض
واهو كمان هدها 
نفسي اخد تأشيرة
خروج 
واروح ياناس لبعيد 
لزمان مفهش ده
وده 
مفهش اسياد ولا عبيد 
لزمان مفهش معني 
للفلوس 
زمان مفهش الطمعين
والنهرده علي مين ندوس 
زمان ولسه ياناس بخيرو 
زمان ولسه متبدلش 
بحد غيرو 
زمان اصلي وفيه اصول 
الحق سيف ع المايل 
وبيدي للمعدول 
زمان مفهش اي غابه
زمان ولسا فيه طيابه 
زمان الحب عندو 
مش غريزه
ناس عايشها بالمعروف 
ناس نفوسها ياناس
عزيزه 
ناس وحمدا ربها 
الفلوس مش كل حاجه
عندها 
نفسي اخد تأشيرة
خروج 
واروح لعالم شكلو
ثابت 
مفهش اي لون لدم 
نجينا يارب من المهالك 
زمان فيه تمن للعشره 
زمان دهب ومش قشره 
ولسه للحكايه باقي 
ان كان العمر فيه 
لسه باقي