حبيبى الغالى / وقتك معايا انتهى
حتى كلمه احبك / منك انا كرهتها
وقمه القسوه / ف عنيك كمان شفتها
ياما حاولت احضنك / وكتير حاولت اراعيك
وحتى وقت الغضب / روحى وقلبى اهديك
وفى الخريف والجدب / دموعى كانت ترويك
لكن انت قاسى الطباع / احزانى ما تهمك
فتحت لحضنك شراع / وقت الشتاء يضمك
عمرى فى حبك ضاع / تجاعيده على جسمك
ياما سهرت اناجيك / وانت ولا تسمع
والحضن مفتوح ليك / والعين عليك تدمع
وقلبى كما الشبابيك / لدموع الفراق تجمع
ااااااااه من غرور معاليك / فى عز الظلام تلمع
وقتك خلاص انتهى / شوف لك حبيب غيرى
ودموعى اللى سكبتها / على خطوط سيرى
ماتت وانا ذبحتها / مثل ما مات طيرى
والدنيا انا عرفتها / اودعك وتلك مقاديرى