مفضلش حاجه 
من حكايه
فات عليها سنين
غير الأنين 
غير السكات 
وكام صوره مسروقه
من الزمن 
أجمل ساعات العمر
عشناها وجع واهات 
واللي جاي نفس
اللي عدي
وعدي اللي عدي
واللي عاش فينا 
هو اللي مات
احنا اللي بعنا 
الأمل. يازمن 
ليه نبكي على 
الذكريات 
يا ميت حكايه 
بتتحكي عنا
وكلها أغرب
من الخيالات 
ممكن نحن
في يوم تاني
ممكن تجمعنا 
الاماني 
ممكن نداري
دمعه. لكن
تفضح عيونا 
ملايين من 
الدمعات 
انا بعترف 
مش انا اللي بعيش
لا. انا اللي مات 
انا اللي معرفتش 
أكون زمنك.
وأنا اللي بعت أجمل
الواقع بالاحتمالات 
ممكن تعود
السنين تاني
ممكن تتبدل
الجراح أماني 
ممكن........
ممكن يرجع العمر 
اللي فات
هيهات...... هيهات