ليه تبكى / وليه تحتار
وليه تشكى / ده الهوى غدار
لمين تحكى / والقلب قايد نار
ده حتى الدمع / مش نافع
هاتبكى كمان ؟ / مفيش مانع
ياريت الدمع وسط الليل / يكون ساطع
ده والله الدمع / مش هايفيد
مابين شكوى / وبكاء وتنهيد
وبين همسه وبين نجوى / وبين احزان فى ليله العيد
وبين عاشق ترك عشه / وساب محبوبه يتلوع
سواد الليل بيتراقص على رمشه / وم الاحزان بيتجرع
ونار الهجر تتراكم على فرشه / ودقات قلبه بتولع
كفايه ياعين بالله كفاكى دموع / ليه تبكى على اللى خان
وليه صوتى وسط الليل مش مسموع / كأنه فى الفضا دخان
يادمع العين تعالى نغير الموضوع / ساعتها مش هاعيش ندمان