فرحه قلب / فى حضن القلب
فرحه حنونه / بطعم الحب
قلبى وقلبك / بين احضانهم
زهر الفل / طارح علشانهم
قلبى بيفرح / لما يشوفك
واحب خدودك / وقت كسوفك
التفاح طارح / على خدك
رمشك جارح / ياحبيبى / ياقلبك
يوم لقياك / هايكون يوم سعدك
وقلبى معاك / يقطف لك وردك
انا فرحان /افرح ويايا / وافتح قلبك للافراح
انت حبيب قلبى وهنايا / انسى حبيبى اى جراح
حبك املى وكل الغايه / فاكرك قلبى مسا وصباح
فرحه قلبى ماليها نهايه / فرحه بريئه بكل سماح