هوالراجل الاصيل اللي راضي بعيشتة ومرتاح
من الصبح طالع علي ارضة يزرعها عرق وكفاح
هو اللي ربي ولادة علي الجلد والنجاح
اصل الحضارة الفرعونية اللي من خلالة تعرف الجدعنة وغناة بلبل صداح 
اخلاق القرية في طبعة هو الراجل البسيط اللي في جمال الطبيعة سارح
ابن الارض الطيبة اللي بيصون ارضة وعرضة هو الصبور اللي زرعتة كلها افراح
الراجل الشقيان اللي في عمل دؤب من ساعة اذان الفجر مايقول حي علي الفلاح
يصلي فرضة ويروح ارضة هو الفلاح اللي حارب وشال السلاح
ابن النيل حارب الانجليز وقطع عليهم السكة الحديد وخلاهم ما بطلوا نواح
هو الاصيل اللي حارب الاقطاع ولا همة من الكرباج ولا الجراح
هو اللي راضي بعيشتة ومرتاح وعايش في خير وارضة كلها براح
هو اللي بيزرع ارضة ويخضرها بفضل ربة وتشتاق لزيارة الوفود والسياح
 عايش في جمال الطبيعة ومتهني وطالب من ربة الرضا والسماح