ياقلبى ليه سابوك وحدك
تداوى جراح مش ادك
لا عاد يسألوا عنك
ولا عاد يهمهم أمرك
وحيد مش قادر على الشكوى
غريب مش لاقى أحبابك
كلامك هو بسكاتك
صابر تحلم بأيامك
تعاتب وتقسى على نفسك
وتعاتب مره أحبابك
لا لاقى راحه من غيرهم
ولا قادر عنهم تستغنى
تتمنى يرجعوا تانى
وخايف يبعدوا عنك
وتعيد من تانى ألامك
وتعيد من تانى أحزانهم
كفايه وداوى ألامك
وسيبهم يعيشوا أحلامهم
 ياقلبى ليه سابوك وحدك