عدى ف شارعنا وفوت
بص وشوف البيوت 
جدران تعيش 
واصحابها تموت
حيطان تحن لصحابها
مقفوله عليهم ابوابها
بيوت بتدارى أهاليها 
ما تعرف إيه جرى فيها
بيوت خربانه وزعلانه 
وبيوت عمرانه وفرحانه
بيوت فيها اللى يكفيها
وبيوت تعبانه أهاليها 
بيوت ع البحر 
وبيوت فى الجحر
السلاملك والحرملك
ناس ساكنه وناس تملك
حيطان وبيبان 
أسقف شبابيك
نجف ألوان 
صور أباليك
بيوت رحلوا اللى بانينها
وناس تانيه اللى ساكنينها
بيوت نسكنها تغيرنا 
وبيوت نبنيها لناس غيرنا
بيوت مبنيه ع الناصيه
وناس هناك كتير قاسيه
ناس تبنى متسكنشى
يدوب تنهى أوام تمشى
بيوت نعمل لها حسابها
وبيوت تغور بأصحابها 
بيوت نتمنى كدا نزورها 
وبيوت مانحب منظرها
بيوت