ياموج حاسب 
على نفسك
أنا السباح 
ولا أنت نسيت 
ونسيت زمني 
وقلت.. أهو راح
أنا لسه بنفسي 
وعايش برضه 
 والدنيا براح
وهاركب موجتك
العالية 
 مسا وصباح
وهاخلي العالم 
يشهدلي وأنا 
جامحها جموح 
خاطر موجة 
رامتني بعيد 
كدا مره 
 في بق التماسيح
قلت خلاص 
الله يرحم 
وأهو هم وزاح 
ياعم الموج 
خليك عاقل 
 ... ده.. 
السباح سباح
.... وياما....... 
أمواج شدت 
حيلها 
وعكستها رياح
وياما 
بواخر عمالقة 
قلبتها شعب 
كدا في بحرك 
وسط التماسيح
وفيها ناس 
مماتتش 
وفيها الروح
والدنيا غداره 
والغدر بقا فيها مباح
ودي برضه ماقوله 
أتقالت 
في زمن الأشباح
ياموج حاسب على نفسك 
 أنا واد سباح