ل أتفة سبب 
ماشي يوزع 
في اليوم 
مليون طلاق
وحلفانات 
وبايع ضميرة 
وبيقول الجنية
هو السبب 
عشان أجيبة 
يبقا لازم أحلف 
مليون طلاق 
لأجل أمشي البضاعة
وأكسب من وراها 
بدل الجنية قول كدا 
الألوفات................ 
ودي حاجة 
عندي بالوراثة 
ومهاش طارئ 
ولا إشاعات 
ياعم سبني وخليك
في حالك............ 
 ومش أنت 
اللي جاي النهاردة
... تقولي... 
كدا يبقا عيب 
وتعرفني أيه
الصح من الخطأ 
ياعم روح 
خليك في نفسك 
أنا مراتي........ 
أتعودت على
 النظام ده... 
 من يوم جوازنا 
 وجبنا البنين والبنات.... 
عرفته تافة 
وكمان رخيص 
والكلام.. معاه 
أكبر غلط 
لإنه همجي
وواحد ملوش 
عقل خالص 
وبايع ضميرة 
وصدره ضيق 
ولحمه نبت
على الموبيقات
وأكل الحرام
وعدم الخوف 
من اللي خلقه 
والست مراته 
 ولا هنا.. 
وبتقول يابيه 
 هاعمله أيه. 
أتعودت منه 
على الطلاق.. والمراهنات 
وأهي عيشه 
وعايزة أربي 
العيال. ...
 وأستت البنات..... 
جابت لي صاعقة 
جابت لي صدمة 
وجابت لي خيبة
وبخرت كل اللي
عندي من بعض
 الأمنيات.......... 
وقلت خلاص 
 كدا كفاية 
دنا اللي زمني 
ركب قطار 
الندامة.. 
وهرب مني
وقال لي سلام 
كدا ياصاحبي 
وعد ورايا 
الفلنكات