فيه حاجه غلط فك واربط من جديد لأن عندى إحساس أكيد إن فيه حاجه غلط حاجه ركبت مش مظبوطه صواميل العقل مش مربوطه ومستوى التفكير هبط لما نشوف بعنينا شاب يحول نفسو حبة تراب يبدل الفرح بعذاب يبقى فيه حاجه غلط الشيخ أقنعو بكلام ضيعو لما قال اسمعوا وعوا الجنه مرهونه بشرط غمض عنيك دوس ع الزرار تقتل حبه م الكفار وانتا سعيد ومغتبط والحور العين مستنياك إطلع هتلقاهم هناك جمله تاخد وللا فرط لما الشاب يسدقو ويجرى محدش يسبقو جنون خبل هبل عبط زى متقول عنو قول أى وصف عليه معقول لأن فيه حاجه غلط
