ما تغيريش منى
غيرى عليا
أنا ماليش غيرك
وإنتى اللى ليا
وحروفى وحروفك
جواها حبى وحبك
وعمرنا وأيامنا اللى جاية
ما انتى لامسة نبض قلبى
وبتسمعيه من دق قلبك
والقمر شاهد علينا
بينورنا فى كل ليلة
وان غاب يوم عن عنينا
يفرش نجومه حوالينا
دا الشمس لما تشوف
القمر..تجيلها حالة كسوف
ولما أنوى أتكلم
القلم..يشاور عليكى ويعلم
آلاقى نفسى بكتبلك
اللى ف قلبى وابعتلك
كل حروف إسمى وإسمك
واعمل منهم تعويذة
مع كلمة حلوة ولذيذة
ياخدوها الأحباب
يعملوا منها حجاب
ويقولوا عليها تميمة
وكلام عليه القيمة 
يا رب د ى دنيتى
وهيا دى فرحتى
من غيرك
 ما أقدرش أعيش