قوللى ياواد يا عبد الهادى
إيه اللى بيحصل النحيادى
إيه اللى احنا هنا سامعين
فى العريش والشيخ زويد 
إيه اللى بيحصل يا واد يا سيد 
واللى بيقتلوا يبقوا مين
دول بيقولوا سابوا العساكر
زى مكان الكل فاكر 
وبيقتلوا ف المدنيين
صحيح هما أهل دين 
لو كان دين نقول آمين 
بس دول يابنى بيسفحوا 
وبيحرقوا وبيدبحوا
يعنى عالم سفاحين 
سؤال بيدور فى مخنا 
ليه يقتلوا ناس مننا 
ليه يرهبوا الآمنين
معنتش بصدق عنيه
لو شفت ناس بالقسوه ديه
يقتلوا ويقولوا الله أكبر 
ويقولوا إحنا المسلمين
ميكونش ياواد ياعبد الهادى 
نزلهم نبى بينادى
بالقتل واحنا غفلانين
ياعمى . لأ . بس وافصل 
منتش عارف إيه بيحصل 
دول جماعه مجرمين 
ضحكوا عليهم المشايخ
يلاقوا الواد فى الدنيا دايخ 
يغسلوا مخو بكلمتين 
ياخدوه ياعينى سنو صغير
يربى دقنو ويلبس قصير 
ويدخل صفوف المجاهدين 
يعمل فيها العبد الصالح 
والحكايه حكاية مصالح
وفلوس ياعمى بالملايين
يعنى بانجو ومخدرات 
يعنى بنتكلم فى مليارات
يعنى حشيش وكوكايين
عرفت ياعمى دول يبقوا مين 
أيوه فهمت ياولدى فهمت 
ياريتنى زيك اتعلمت 
بس حقيقى أنا حزين