تفتكرى ليه قلبى بيميل لهواكى
يمكن عشان الحسن بيزيد فى بهاكى
يمكن كمان عينى مابتشوف الاكى
تفتكرى ليه ؟
لما اشوفك ابقى سعيد
وافرح بطيفك فرحه عيد
ولما بتدارى كسوفك يتعب فؤادى من التنهيد
تفتكرى ليه؟
لما بتمشى بدلالك خطوات رقيقه وفيها جمال
واتمنى اعرف احوالك رمشك يقولى والله محال
اصل الدلع هو مجالك ودلعك انتى يليق بغزال
تفتكرى ليه ؟
لما تغيبى ياعيونى وقت السهر مابيحلالى
ياغاليه والله مابتهونى حبك فى اعماق اوصالى
منك سعادتى وجنونى لاانك حبيب قلبى الغالى
عرفتى ليه ياحبيب الروح اجابتى واضحه فى سؤالى