يخرب عقلك يا عقلى 
كل يوم تصحى تفكر 
إوعى تفكيرك يخلى 
دمى منه بقى يتعكر
بتودى ليه وعمال تجيب
ماكل شيئ قسمه ونصيب 
إسكت بس ياعم واهدى 
اليوم هيعدى زى اللى عدى 
إنتا مشيلنى الهم ليه
لو يبعد عنى بتناديه
نفسى ساعه متفكرش 
وان سألتك قول معرفش 
غلبت منك ومن عمايلك 
أنا الغلطان إنى شايلك
عمال أقول العقل زينه 
وانتا مخلى الأيام حزينه
خليتنى أحسد اللى باعوك 
وبدلوك فردة لكلوك
هما دول بس اللى ارتاحوا 
لاقالوا جم ولا قالوا راحوا
آخر إنذار اليوم هديلك 
وان فكرت تانى هشيلك