خلى شموع الفرح تقيد 
ومن ع الخد شيل الأيد
لية مخنوق ياعم فريد 
 وتملى مكشر ....وحزين
دالخير فى قدومها يزيد 
وإحنا ياعم .....مسلمين 
ومفيش فرق ...............
بين البنت وبين الصبى 
كلنا خلق .................
وأعظم ما فينا  النبى (ص)
زعلان لية وشايل فى نفسك 
وعاملك ........قصة وحدوتة
ماهى بكره هتشيل أسمك
ومن صلبك والله  البنوتة
قوم صلى وأحمد ربك ....
على نعمة غيرك مش فيها
وأستغفر وأطلب منه.......
داحنان  الكون فى عنيها
البنت ........هدية وقيمة 
وتملى .......حنونة وعظيمة
 وعليهم ......وصى نبينا......
قوم خودها فى حضنك يافريد
هتحس بمعنى جديد............
هتحس بقطعة م الجنة..........
والرزق معاك. هيزيد  .........
قوم وأحضن بس. الأمورة 
خلينا نخود كام صورة 
صدقنى ياعم راح تفرح 
دالفرح تملى  بمواعيد