ماتخلنيش أتكلم
شعر غنائى
ما تخلنيش اتكلم 
عندى كلام جراح
قلبى خلاص اتعلم 
قلبك عواصف رياح
هادية وفيك حنين
ولحظة رياح خماسين
كنت أميرة ملاك
صرتى من الشياطين
أصبح كلامك ذم
ناكره لصلة الدم
ويا عينى على اللى تلم
ولا كان لسان دباح
قطعت صورتك بأيدي
وكانت نهايتك عيدى
زيدى فى بعدك زيدى
خلى ما بينا براح
غيارة تحبي الشك
سحرك خلاص انفك
سيبى الكلام والحقد
كلك لسان فضاح
ما تخلنيش أتكلم
عندى كلام جراح