حلوه ممهره بمداد قلم السنيوره / قريت كلام عاجبني وباعته معاه الصوره / ورمش حكايه والعين فيها فزوره / وضحكه شفايف وردي وهاجرت انا ارضي / دعاء في القلب ربي يحميكي بدعي لك وانا بصلي فرضي / ويحفظك ربي من الحسد يا ساكنه جوه الجسد / حبك ده في قلبي منقوش / صرحت  بيه ميهمنيش مين يعرف ولا يهمني اللي ميفهموش / واسمك في قلبي ساكن ورسمك زي البنوره ابيض جميل الصوره / اسمك علي مسمي صدق من سماكي .. / اعمل ايه في حبك ما كنت انا في حالي / ولما عرفتك غيرت احوالي / حبيتك ودي مسئوليه وكترت احمالي /مقدرش اهرب من حبك وبحبك حب جنون / والسهد مالي الجفون / وبحبك علي استحياء / واشوفك زي الورد وفي نور الصبح زهره نديه / وفي الليل قمر لياليه / وفي كل وقت فيكي عطف وحنيه / واسقيكي من جوارحي واسمك يجري في شرايني وفي جسمي كله انت موجوده ودايما عطشان لحبك زي الظمان لشربة ميه / مكنتش اعرف ان الحب كده فيه حنان وان الحب ده داء / وانك زهره بريه محتاجه لشربه ماء / عايز اشوفك دايما قدامي في احسن حال/ واغني ليكي في الحب موال/ يا اللي غيرتي احوالي وكنت سبب انشغالي / صحيح العشق غالي / واسمع ضحكتك الحلوه لكن مش هتكفيني وطمعان انك تضميني / ومن شهد الرضاب ترويني / ومحتاج حبيبتي تداويني / يا احلي اسم كتبته في داوويني / يا حته من القلب ونبضي وتكويني / بحبك وحبك نار بتكويني / ده احلي حاجه في الدنيا اني بعشقك وبسحر عنيكي بتشغليني