إفرحى يا بلدنا 
وامسحى دموعك 
شبان من ولادنا 
بيرمموا ضلوعك
هيسندوكى ويفرحوكى 
وفوق الروس يرفعوكى
وسمعتهم حلفوا 
بنصرك هيحتفلوا
وغلاوتك متزعليش 
دا زى ولادك مفيش
وكملى ف سكتك 
ورينا بقى ضحكتك
بكينا كتير م الجرح 
خلى البكا م الفرح 
مدى الخطاوى كمان 
عيدى مجد زمان 
طموحنا مالو حدود 
والأمل كمان موجود 
عرفى العالم مكانك 
فوق السحاب عنوانك
يا ام الرجال قومى
حزنك على عيونى 
 إنسى يا حلوه ألمك 
وارفعى للسما علمك
قولى أنا وانا وانا
أنا أم الدنيا هنا 
خلى العالم يحس 
ويقول دى مصر وبس