جارى التحميل
استخدم زر ESC أو رجوع للعودة
أنا كتفى جامد
وصامد
وعمره مايتهد
يشقى ويتعب
وقت الشدة
وساعة الجد
وانا ملو هدومى
شايل..حامل..كل همومى
واسأل كفى ودراعى وكوعى
وفوقيه زند
موش على حد
وان ضاقت بيا العيشة
أنا وولادى
وأم عيالى
اللى اسمها عيشة
تكفينا لقمة هنية
تسد المعدة
مع حبت مية
وكوباية شاى
والحال ع اﻷد
ودارى ساترانى
وآدينى مدارى
جوه أوضتين
وسرير ودولاب
وحصيرتين
وفى الركنين
ترابيزة وطبليه
وكنبتين
والحمدلله
آدينا عايشين
والصحة عال العال
ومعايا أم العيال
بتهون عليا الحال
لما تقولى
إرمى على الله التكال
بكرة تتعدل
ماتشيلش هم
حاتروق وتحلا
وحتبقى عال العال
ربنا يخليك لولادك
وليا..
ويحلالك زادك
بالحلال
وبكره العيال تكبر
وتبصلهم وتسمى
وتقول..الله أكبر
دا الواد يوسف
إبنك..بقى راجل
شاطر فى العلام
وبيطلع اﻷول
والكل يبصله
باحترام
واخته فاطمة
طالعه زيه
فطنه
وحتبقى عروسة
ودا حالنا
وحال اللى زيينا
وكتير غيرنا
وعايز تشوف أكتر
ياللا بينا نتفرج
على صندوق الدنيا
واتفرج ياسلام