ياعم يا سمسار 
من فضلك استنى
ألاقى عندك دار 
تشبه كدا الجنه
متكونش فى كوكبنا 
خلاص كدا تعبنا
شوفلى كوكب مرتاح
مفيهوش مصانع سلاح
ولا مخترع بارود 
وأسلاك على الحدود
ودبابات وطيارات 
ولا كل يوم أموات
أعيش فى كوخ على نهر 
وسط الجبال والصخر
ولاشيلش فيه الهم 
وانسى لون الدم
الأرض خيرها كتير 
ولا فيه غنى وفقير
مسمعش صوت ولا حس 
غير ناس بتضحك بس 
مشوفش فيه إنسان 
قاعد حزين غلبان
ولا متخانق مع جارو 
ولا حد اتهدم دارو
ولا نيابه ولا حكومه
ولا ناس عايشه مظلومه 
شاورلى بس عليه 
وخد حسنتك فيه 
ياعم يا سمسار 
ممكن ألاقى دار ؟؟؟؟