وكأني
بعيش العمر م الاول
وماضيا كله كان الام
وجرح العشق بيطول
ولو نحسب أوجاعنا
 نلاقيها كلها اوهام
في جدول ضرب حافظينه
ومشوارنا خلص بدري
وماشيينه 
وعارفين نهايتنا
وامانينا كلها أحلام
في سوق الضماير
وفي زمن
اللي عشق بايع
واللي اشتري هيدفع كام
واللي مشي موصلش
لعنيها مشواره
ومرجعشي
وتحكي عنه اشعاره
وبينه وبين نفسه
ماتت عنه اخباره
وتسمع عنه حكاياته
كلام في كلام
يابطل من شمع
وحصانك ورق
 فاتح بلاد من 
اساطير الالف ليله
عاشق أميره
تمثال
من رخام
ياسندباد مركبك من قش
أنت اللي عشت الحكايه
غش في غش
لا كنت يوم قيس
ويخلدك شعرك
ولا كنت يوم يوسف
بتعبرلها الأحلام
ورجعت ياسيدي
والدمع مالي عنيك
جامع سبايه من صور
وكلها حواليك
وكام قصيده 
وحكايه خلصانه
والدموع
 مسك الختام