راح الحبيب ماودعنى واملى ضاع
ترك لى جرح يوجعنى كله خداع
انادى عليه مايسمعنى واضح انه باع
قال كلمتين وتركنى وانا غريق بدون شراع
مين فى السهرراح يشاركنى بعد الفراق وبعد الوداع
حسيت كأنى ف دنيا تانيه دنيا فيها الفراق مباح
فيها الامل بيضيع فى ثانيه والفرح يتبدل جراح
دنيا الدموع فيها بحور والقلب فيها بينجرح
واللحظه بتمر ف شهور على قلب عاشق اندبح
ده هجر ولا ده غرور وكل الامانى بتتمسح
راح الحبيب واخد معاه احلام فؤادى وبسمتى
وانا مالى فى الدنيا سواه هو حبيبى وفرحتى
غدر بقلبى وبهواه وعرفت طريقها دمعتى
حبيب لعمرى لمنتهاه كان ضى عينى ف سكتى
بعد الوداع انا قلبى تاه وضاعت امالى ف غربتى
وجع الفراق والله حرام يكويك ياقلبى ويحرقك
اليك ياحبيبى كل احترام وبرغم هذا انا باعشقك