في نهاية الرحله 
هنتقابل كأننا أحباب 
وانا وأنت 
هيجمعنا حنين كداب 
تقوليلي محبتنيش 
اقول يمكن 
تقوليلي هنتحاسب 
اقول جاهز لأي حساب 
تقوليلي أناني 
جاييني بتجاعيدك 
وشعرك شاب 
طب كنت فين 
من كام سنه 
وانت لسه شباب 
تنساني كل العمر ده 
وعايزني استناك 
حبيت ييجي الف واحده 
وعايزني ابقي علي هواك 
اقولك أيه ولا ايه 
هملني 
عمري ما هرجعلك 
لو حتي تشوف وشك 
 في قفاك
دا كان كلامك 
وانا لسه عندي كلام 
بس الكلام معاندني 
وانا كل كلمه فيه جرح 
انا كل نظره في 
عينيها ليكي حنين
لما انتي تبقي عذابي 
وفيكي ضيعت عمري 
جايه تحاسبيني 
على سنيني 
طب كنتي فين 
وانا بوهبلك حياتي 
طب كنتي فين 
وانا باشعاري عمال اهاتي 
لما كل ليله اكتب لعيونك 
مليون قصيده 
لما كنتي قريبه مني وبعيده 
لما كنت احسك في كل ثانية 
وانتي محساشي 
دانا كل لحظه عدت عليه 
كنت اشوف فيها وفاتي 
ولسه بستحمل عذابك 
وأقول يمكن تحسيني 
ومن عمري اللي متبعتر 
علي ايدكي تلميني 
دا. انا لسه مولود علي 
حضنك ضميني 
وربيني علي طبعك 
انا قصه بدون عنوان 
فسميني 
انا عاشق 
ويغلبني حنيني