لو كنت شوفتك من زمان 
قبل ما القلب يعرف يحب 
كنت كبرت قبل الأوان 
وعملت شايب وانا لسه شب
ارسم بيوت من غير بيبان 
وأزرع حواليها ألف قلب 
احبك فى كل وقت ومكان 
واصب الغرام ف عيونك صب
لكن يا خساره مرت بينا السنين 
واحنا كل واحد منا فى وادى 
جوا نفوسنا حيارى متغربين
وكل واحد على وليفه ينادى
واسأل كل الأحبه المحرومين 
حد شاف طير جميل وهادى
قالوا كان هنا وشكله حزين 
شوفه يمكن مشى النحيادى
مشيت وقلبى مش عارف سكته
ادور بين النجوم عليك 
شايل شوق العمر ولهيبه وحرقته 
واتمنى فى يوم ألاقيك 
اتارى العمر فات وقلبى فى غربته
ما طولت نظره من عنيك
ولقيتنى برا قصر حبك وناره وجنته 
 ويدوبك طايل حلمى بيك