خُد خطوتك خليك جرئ
حتي القرار لو مش برئ
لو بيه هتجرح ميت صديق
وبلاش نجزأ في المباديء
دا الجرح أفضل م الخداع
 وبالنهايه هتبقي صادق
خليك شجاع
دي الكلمة سهله
أربع حروف كلمة " وداع"
ممكن يكون فيها الألم
أفضل وأحسن م الضياع
والبتر أفضل من الألم
 إذا حلم ضاع
خليك صريح
وبلاش عذاب
ليه نستخبي ورا ألف باب
كل اللي ممكن نعمله 
 نمسك في وهم حد السراب
خليك مثالي
حتي إن فاتوك أغلي الغوالي
هتلاقي فرق
مابين رخيص والتاني غالي
ليه تعيش بجرح
حتي إن وصلني منك إنت
ألف جرح
ها أنسي الألم لما أفتكر
إنك في يوم وعدك خالفته
 في عز فرح
خُد خطوتك
إما الرجوع
أو نستخبي ما بين ربوع
نستني فيها بدون دموع
لحظة خروج روح من جسد
 خد خطوتك
خليك جريء